| really hurt....... blame no one but myself.......collapsed...... |
| |
| 決賽戲碼…對我黎講真係左手同右手打喇…還記得自己大大聲話強捧荷蘭西班牙…竟然齊齊入決賽…好矛盾呀
由柏金奧華馬斯年代已經希望荷蘭可以贏大賽…但次次都漂亮咁出局…98最唔抵…個年踢得最好…偏偏遇到最強既巴西…00輸比托度…04, 06 都輸比葡萄…08就係艾沙雲…反而今年踢得最無說服力, 偏偏又最有機會...
西班牙…由希亞路到魯爾摩連迪斯到沙維韋拿…由98贏波出局, 02比韓仔屈死, 00, 06比施丹踢死…一路都好支持佢地…最後08終於以超強姿態捧盃…其實都了左想睇佢地捧盃既心願…今年其實同08 個form 仲爭好遠…係4強對德國好番d… 相比之下……都係決定撐荷蘭! 原因都係因為想了左睇佢地捧盃既心願…當然仲有史尼達…如果要係世界盃做3次二奶…真係慘過hihi~~ 荷蘭…決賽強撐你地!!!
|
| |
| 夢想．成真 16 年...…細個一睇波就因為藍黑直間衫而留意國米……96年裝左有線之後就一場不漏咁捧場…… 97/98 年比黑哨吹死左……從此之後祖記就變左rival team….跟住就睇住d 星級球員, 領隊換完又換…..隊波浮浮沉沉….01/02 年最後一場波…朗拿度既淚水我仲歷歷在目…..聯賽係咁比米蘭祖記炒….人地又幾年冠又拎歐聯….國米拎到既只係’球星墳墓’…只駛錢無成績既球隊…個戰績唔上唔落…領隊就係咁換…. 02/03 年入歐聯4強….兩場波都係聖西路踢….最尾輸左[作客入球] !? 古柏走左之後, 就好似唔識踢歐聯…次次都比人技術性擊到…仲要輸波輸品…個幾年有諗過國米可能永遠都拎唔到歐聯……. 好彩天有眼…06年莫治條粉人終於罪有應得…國米直接得益….無對手下連贏5屆冠軍….但係文仙尼既國米係歐聯仲係on 99….輸緊波換米赫洛域出黎都夠膽…加埋隊波仲係無form….踢ibra 一個….要挑戰歐聯仲係差好遠…. 08/09 請左摩連奴番黎…我開始有期望…因為摩連奴最叻就係幫班球員食晒所有壓力…呢個亦都係國米歐聯腳軟既原因…最後輸比曼聯完全收貨…因為踢出黎似番隊有競爭力既球隊~~ 今屆黎個大換血….送走ibra 換黎多個技術型既球員….而家睇番絕對成功…但係季初踢落都係磨合緊….個勢未似係冠軍球隊…直到加埋pendev…可以話係一塊重要拼圖…摩連奴終於可以踢番433….之後既唔講….贏英西德冠軍球隊….今屆歐聯真係實至名歸~~ 今季真係乜野烏氣都吐晒!!!!!!!!! |
| |
| <歲月神偷> & <葉問 2> 今日唔係想講兩套戲既內容, 係想講下係戲院度既氣氛~ 睇歲月神偷時, 有差唔多大半場人都係中年人, 套戲一路做就一路聽到佢地討論, “係呀, 以前邊度邊度就係咁架la””以前幾多幾多錢好多ga”…本來一路睇戲一路有人係咁傾計係好煩擾, 但係今次又唔覺得wo…係聽得出佢地好有共鳴, 又令我諗起好細個時入戲院睇戲唔似得而家咁…個時係會買燒魷魚…成間戲院都係魷魚味…d 觀眾又係不斷咁討論套戲……所以睇呢套戲時個feel 真係幾warm~~~ 睇葉問又係另一樣野…葉問打到最尾時基本上你都會幾緊張想佢快d打贏個鬼佬…就係呢個時侯戲院傳黎d “打佢啦””好野”呢d聲音…其實都幾正架…到最後打贏左仲有d 人猛拍手話好野, 打得好~~! 其實呢度亦都係套戲既成功之處~~ 再加上睇埋一個幾感動既金像獎…真係要多d支持港產片~~~ |
| |
